آخر مسافة شوووق
راجعين نتنفس من تانى
لاتقولى عوادم ولا هيش
محلاها م الجنه نسايم
لملمى ف عطورك ياباريس
ده ترابها ...التبر زكايب
حاضر اوغايب.. لك نايب
وأوناسها دول أهل ..نسايب
إن كانوا صاحيين أودراويش
محلاها اللمه الصبحيه
على طبق الفول ...
من غير عيش
وكباب م المصرى ابو ريحه فايحه
غار الهامبورجر والكيش
على ضفة نيلك نتمشى
لو حتى مش راح نتعشى
يكفينا الترمس للمذه
والشاى بالنعناع نعانيش
تسقط (ياستار بكس) مفيش
غير شايك يافيشاوى.. الله
والركعه فى حُسينه حياه
تذكار من خانك ياخليلى
والحنه فى لازهرمحلاه
ببخوره يدفى النخاشيش
وتعيش..... ياوطنا تعيش
4 comments:
Wallahy 3andak haa ya Aida. Nothing like your country even if you live in the best country of the world! Amira
ya 3einy ya Aida:)) geity 3al wagee3a awy el youmein dol!! Allah 3aleiky!
مش كده والنبى ...يارب ترجع
كل غريب الى بلده مجبور الخاطر
اشكرك اميره على تذوقك الرائع للنصوص دمتى
الله على مرورك واحساسك المرهف اشكرك
Post a Comment