على هامش الكون
فى ليل مجنون
انا وحدى
باسابق عمرى بالمندار
وبإرادتى
بالاحق الموج
وانا عارف بانى باحارب التيار
نجوم حايره
وميت دايره
بتجذبنى
تسلمنى بإيد حانيه
على دايره تهدهدنى
يفوت بكره
وانا باجتر ف الذكرى
وباسبح فى جحيم لافكار
وبالراحه , أيا عقلى
لازلت غرير
فى عالم غير
لازلت نضيف
فى دنيا الزيف
وفيها البياض
كدبه
والوان طيف
ف ليه تحتار
ده أحسنلك
تعيش وتموت على الهامش
ولا تدخلشى بسذاجتك فى قلب النار

ماهوش ذنبى....
ياليل هدّى فهمت خلاص
لكن عديت ,مانيش راجع
دى كات شعره بتوصلنى
أمل باهت , ألم واجع
وخوفى أكون
فى كون مجنون
صدى ذكرى قمر طالع
ماهوش ذنب انى ما اتعلمت
أكون سالك ف ليل حالك
أبيع العمر والاحلام
على أعتاب نهار قالع
حياؤه , بيشاور لبعيد
ما بينا أكيد

...غدا ساطع

رحاااااال
رحال وناوى
أغزل غناوى
لو حتى هامشى ع الشوك ياخال
رحاااااال
رحال ومتغرب
بالحلم متشرب
ولو الحنين عضعض
في القلب كام موال
رحاااااال
رحال وفين رايحه الخطاوي
لاعدت هاسأل ولا حتى ناوى
مطرح ماترسى
هارمى الحبال
رحاااااال
حبل الموده
حبل الامانى
سلامات ياغربه...
أحلى الاغانى
تطوى سنينى
لو كات طوال
رحاااااال

هيوستن 2007-09-

تجربه حيه من قلب إعصار جونو الذى عيشته حقيقه فى مسقط يوم 6/6
عجز البنان و البيان لاوزن ولا قافيه
عطلت لغات الكلام قدام عقول جافيه
وكلمة اليوم للطوفان
لاحنان ولا لمسه دافيه

هنا كنا وكان إنسان
بجبروته
بضعفه امام ملاك موته
بنى آدم
وخوفه السجن والسجان
شريط عمره فى لحظه يمر قدامه
وكام مره
ظلم حاله
بجهله وسطوة الحرمان
تئن كتافه م الاحمال
ذنوب فى ذنوب
وبكره هاتوب
ويومه يفوت
ييجى بكره
يعود ويلم ورق التوت
ف لحظه خلاص مافيش بكره
مافى الا الحين
وفين رايحين
شمال / ويمين
وموج غادر
بيخبط ضهرنا بسكين
صحيح مساكين
لفين رايحين؟؟

وريح عاتى
بيقلع م الجذور فدادين
واشجار عمرها ماده
حبال الود
ولنبع الحنين واصلين
ياقوة لحظة الفرقه
وضعفك ياسنين حاضنين
صخور الملح

وبرق ورعد
بيلمع فجأه نجرى نشوف حقيقتنا
ونلمس وقع خطوتنا
مانلقاش أرض
كأن طريقنا أستكفى
هنا وقفنا لاطول ولاعرض
هناك عايم رفات إنسان
على جذع الشجر طافى
وطرح البحر
وأمتى الفجر ؟؟
مش عارفين
ولسه أملنا فى الايام مايعرف حد
لكن عمره أكيد من تانى ما يآمن
ولاهيعود ويتغطى بجبال التلج

سحب وغيمة دموع
بتغسل روحنا م الاوهام
ولاعادشى سكة رجوع
قدام جفاف الحقيقه
عمرك دقيقه بدقيقه
محسوب عليك وخلاص
أعرف طريق الخلاص
وربك الهادى

ياوحشانى بقالى سنين
وفايتانى انا العطشان
لبحر حنانك الدافى
يانبع حنين
ياوحشانى
خدتنى الدنيا من حضنك
رمتنى ف غربه وف بُعدك
انا عايشه
انين ذكرى
ولحن حزين
وفاكره عيونك الخضرا
خضار قلبك
طرح فدادين
جدايل شعرك الصفرا
دهب شمسك
دفا حضنك
وضى العين
ولمسة خدك الناعم
بساط سحرى
واخدنى لفين
على دنيا من الاحلام
فى حدوته بتحكيها
ورنة صوت بتعلّم على الوجدان
وفاكره باليتة الالوان
يافنانه
ورسمت ع الطريق
بكره
واجمل صوره للانسان
على عهدى معاكى
بكل نقطه من دمى
راح اطوى بسرعه الايام
واجيلك واخدك فى حضنى

ياست الحسن يا امى

وتفديك نفسي
وحسي وحدسي
واعلم انى
رهين المُحال
يناجيك حسى
وصمتى وهمسى
ويشهد عنى
اثير الخيال
واُخفيك سرى
فى رحلى وحلى
ويكفينى انك
زاد الارتحال
وأرحل بعيدا
بأملى ويأسى
فأجدك قريبا
فى يومى وأمسى
تضيء لعمري
طريق الامال

وبعدُ ياقلب...؟؟؟
تُسر الىّ بالاشواق
وتُفضى بالحنين أنهار
وتُصغى لآهة العشاق
وتلمس خفقة الإسرار
وتُلقى بلهفة المشتاق
على جسر الحذر...ينهار
فتطربنا امانى عناق
وتشجينا دموع فراق
وبين صدودٍ وانسياق
على درب الهوى...تحتار
فلحظه, التوق يدعونا
حديث ذو شجون
ولحظه ,الطيش يحدونا
لدرب جنون
وشوقى اليك يافجر الهوى
إشراق
ولهفى عليك ياأملى
من الإخفاق
وخوفى عليك ياقلبا....رهين خيار

هنيئا لقلبى حنين القمر
وشدو البلابل فوق الشجر
ودفء الامانى
وبوح المعانى
كلحنا نديا لاعذب وتر

هنيئا لعمرى إنحسار الحذر
وغيث الغيوم وِرىِّ المطر
وشهد الحكايا
وطيب النوايا
وتوق الحديث وسحر السمر

حنانيك فرحى تعالى بقدَر
وطيّب جراح وداوى الأثر
فمن مقلتيا حبيب قريب
بشوقٍ يغيّر مسار القدر

ماذا فعلت بى

فى غفله من زمن السهد
لمستنى عصاك السحريه
فانفجرت ينابيع الوجد
شوقا
وهياما
وحنينا
طلت امانيا المنسيه
وتجدد للقلب الوعد

فى غفلة جُرح وأنين
غمرتنى أشعه فضيه
فانهزمت اشباح سنين
ظلت تنهشنى بوحشيه
وتكيل لاحلامى الرد

فى غفله من ليلٍ دامٍِ
طلت اقمارٌ ونجومٌ
فى وهج عيونٍ عسليه
ترنو تراودنى بحنانٍ
تدعونى لأجمل أُمسيه
وبهمسٍ أزهرفى الروح
وبراحٍ من دفء البوح
أملينا على القدر الوعد
مادامت فى العمربقيه
دوما سنكون على العهد
دوما سأكون على العهد

قالوا
قالوا..... خيالك قد قلانى
وملاك شِعرُك قد سلانى
وحنين شوقُك قد خبا
من بعد إشراقٍ سبانى
وظللت اياما اُمارس
رقصةً
مابين حلمٍ
ام كان علم
بشاطىء الاحلام رمانى
هل كان ظنا ارتجيه
زينهُ لى
حنان قلبك
مع نهم حرمانى
كنت الامل والمنتهى
والحين.... تحترق الامانى

ياغائبا وتركت لى
جنون حرفك والمعانى
قد كنت يوما تشتهى
انغام لحنٍِ وفق اوتارالكمان
نعزف معا
رغم المُحال
رغم الجنون
ورغم إنكار الزمان

ياهاجرى
هل ملّ طيفك منزلى
أم هل ترى ضيّع جموحك

عامدا عنوانى

أنتِ منى
قلتها
وتركتنى
احيا بها الحلم الجميل
هامت حواليك السنين
نجوم شوقٍ
فى فلك رحب.... وليل
طالت امانيا السحاب
تلألأت
وأثمر القلب اليباب
أنتِ منى ....
عانقَتنى
طوقَتنى
ذوبَتنى
ضيعَتنى
فى فضاءات السراب
انتِ منى
أين أنتَ الان منى ؟
آه لاحلام رمتنى
غيّبَتنى
فى متاهات الغياب

غنوه فى حب مصر

باحبها وقلبها عارف
واعلنها وانشرها صحايف
ده منين ما اروح والله انا شايف
جوه العيون احلى صبيه

فى حبها انا عشت ياناس
عمرين محبه وفا واخلاص
فى حضنها اجمل احساس
وف خوفها م الغربه عليا

يا أمى عمرك ماتخافى
دينك ده شايله على كتافى
برقبتى والله ومش كافى
لو تندهى مره عليا

ده انا اللى شربان من نيلك
وانا اللى غرقان ف خيرك
ومهما طارت زغاليلك
لابد ترجع للغيه

فطمانى ياامه على حنانك
وكبرت من دفا احضانك
ووعيت بفكرك وامانك
وشقاوتى حب وملاغيه

مليت كيانى بأثيرك
ومشاعرى كلها تأثيرك
وعمرى ما هاحس بغيرك
ولايمتلك قلبى عليا

مصريه ايوه انا مصريه
وافخر بجمايلها عليا
واسرح ف يوم ما اردلها
واحنى كفى من طينها
واشم ريحه ضفايرها
تهوّن الغربه عليا

على موعد
حبيب الروح لازلنا
فى واحة الاحلام هناك
تنادينا منازلنا
وعند شروق شمس العيد
على نوار سنابلنا
سآتى اليك

تحملنى
اجنحة ً اهديتنى
سحرا
عبيرْ
مسستنى
أنْبتّ بين جوانحى
زغبا مع الايام ينمو
علمتنى اسمو
اسامح الايام
واصنع من عذاباتى
نورا وظلا
اخبرتنى انك هناك تنتظر
إشراق وجهى
وعلى يقين باننى
يوما سيحملنى الحنين
ويلقى بين يديك وجدى
وبأن دمع الشوق يُجدى
يوما حبيبى سوف يُجدى

لو ارجع بنت بضفاير
تسابق قلبها الطاير
وتستعجل طلوع الفجر

عيونها ع المدى والضى
بتحلم بالملاك الجى
وشايلاله مشاعربكر

على شط الخيال وحدى
رذاذ موجُه يبوس خدى
ويمحى خطوط سنين المُر

ويرسم بسمه خجلانه
تعانق نسمه فرحانه
بتتمايل بمد و جذر

ياخدنى الحلم لجزيره
على ضى القمرليله
ويزرعنى سنابل خُضر

يقابلنى الندى بفجرى
بشوق وحنين ماهو بيدى
يسلمنى الهوى لوعدى

وينسانى... بقيت العمر

حيائى منك يارحمن يثنينى
وشوقى اليك يحرقنى فيحيينى
يُذيب الران عن قلبٍ يُعذبنى
يُعيد الروح دفئا فى شرايينى
ذنوبى عنك يارحمن تبعدنى
فى جوف الليل
سجودى منك يدنينى
يجافينى الكرى طوعا ويأخذنى
وقربا من رحاب يديك يُلقينى
وأعلم اننى اقصد كريم
بفيض من سكينةِ سوف يُغشينى

آدم ياعمرى
بتنادينى
وانا عايشه عمر تانى جوه منك
بص جواك
هتلاقينى تحت جلدك نبت ضلعك

بص جنبك
تلقى عمرى اللى ابتدا بنظره عينيك
روحى ردت
يوم مازفتنى الملايكه بين ايديك
والجمال اللى انت حاسه أصله منك

آدم ياحبى
ياللى كل الكون ده كله ما اتخلقشى
غير عشانا
كل احلامنا البريئه والجريئه
خلت الدنيا دى جنه
والوجود ده كله أصبح طعم تانى
والورود دى عبيرها من دفء كلامنا
والاغانى
والمعانى
كله ليك حتى الامانى
ان يصفالى زمانى
وأقضى باقى العمر أتهنى فى حضنك

ولقيتك
بعد السهد

وليل الوحده

ما مد ستايره
على شبابيك القلب

وغاب
زى الفجر النادى لقيتك

من ورا عتمه
ووحشه

بحب

تدق الباب
شمس بتشرق

على صفحات العمر
الراكده

تثور

بعتاب
وربيع عمرى

اللى اتمنيته

ييجى يزهر
فل و ياسمين

وسط الغاب
ويا الفرحه

اللى أستنتها

كتير
بحنين

وبشوق غلاب
فكرك ياعنى

لسه هافكر
وللا هاعبر
عن احاسيسى

بهدوء وحساب

رقصة الألم
فى زحمة عتمة الايام
بنستنى بصيص النور
خيوط الفجر تتجمع
ويتعلق معاها أملنا ...والمقدور
نعيش نحلم...ونتمنى
ونستنى يجينا الدور
يا مين يوصل لاحلامه
ومين هيتوه
وحوالين وهجها ياعينى يعيش مأسور

شعاع من نور
بيندهنى
شعاع من نور
خيوطه الدافيه داخله لى
ما بين السور
وانا طول عمرى كان نفسى
ف قلب جسور
اعدى بحور
واجيلك ياقمر عالى
ف قربك عمرى يحلالى
هناك ف النور

لكنى وحيد
ومتسلسل هنا ف حديد
واخاف أنفك
بحور العتمه واخدانى
وليه نفسى محاوطانى
بحيره وشك
خيوط شرنقتى دى اشواك
واخاف اقطعها القانى
تايه فى الشق
واخاف انشك

ومالك ليه ياليل قاسى
وبتحيّر
نجومك غايره لاتواسى
ولاتنوّر
وأمتى فجر احساسى
ياليل يطلع
يكون فى الضلمه نبراسى
وأتغيّر

واقدر امد جناحاتى
واعلّى لفوق
الف وادور
على دروب الامل

والشوق
وادوب فيك يا شعاع النور
عاشق معشوق
ولايمنعنى لامكتوب ولامقدّر
ولايرجّعنى ليل خوفى
اموت محروق

ومالى...
على درب الجنون أسير
مُغمض العينين
أسير
أهيم....اهيم لا الوى
على انغام نبضاتى
وعزفٌ منفرد ذاتى
واُخرج كل الوانى وفرشاتى
ألون عالمى الآتى
بلون بنفسجٍ هادىء
ولونٌ احمرٌعاتى
وافتح كل ادراجى
واخرج للدنا كالشمس
في أبهى عباءاتي
أُحل ضفائرى عمدا
لعصف رياحُك العاتى
وانثر عطرك الوردى
على اطراف ويلاتى
يثرثرسرك المكنون
جموحا فى انفعالاتى
يدغدغ طيشك المجنون

هدوئى وانهزاماتى

وآه من حاضرٍ
مفتون

وآهٍ من غد آتِ