وآآآآه يامايه محتاجلك
وعمرى بشوقه يندهلك
لكن بينك وبينى بلاد
دُعاكى ده زاد
وباقيلى
ياطول ليلى
وانا باجتر ف الذكرى
وباستنى طلوع بكره
الاقينى
ف حضنك تانى
ضمانى
بحنية عينيكى السود
دى مالها حدود
ونظره واحده تحيينى
وتروى عمر حرمانى
وطبطبتك على ضهرى
تزيح عنى
وتغسل قلبى
من تانى اعود طفله
ف حجرك قاعده تتملى
وتتهجى علوم الكون
على جبينك
جمال فطره
واقولك ايه...
وحشتينى
يجازى البُعد والغربه