وآآآآه يامايه محتاجلك
وعمرى بشوقه يندهلك
لكن بينك وبينى بلاد
دُعاكى ده زاد
وباقيلى
ياطول ليلى
وانا باجتر ف الذكرى
وباستنى طلوع بكره
الاقينى
ف حضنك تانى
ضمانى
بحنية عينيكى السود
دى مالها حدود
ونظره واحده تحيينى
وتروى عمر حرمانى
وطبطبتك على ضهرى
تزيح عنى
وتغسل قلبى
من تانى اعود طفله
ف حجرك قاعده تتملى
وتتهجى علوم الكون
على جبينك
جمال فطره
واقولك ايه...
وحشتينى
يجازى البُعد والغربه
4 comments:
اسمحيلى يا استاذة عايدة ابدى اعجابى و دى طبعا مش اول مرة اقرالك و متعود على اعماللك الرائعة
النص سلس جدا و يحمل دفقة من الاحساس بترجع الواحد لذكريات جميلة جدا و لاحساس دافى قوى مملكش غير انى اقف مبهور قدام الصور الجميلة اللى رسمتيها بقلمك و اسرح معاها
اشكرك اخى الشاعر عماد دياب على زيارتك الجميله التى اسعدتنى كثيرا
وارحب بك دائما
(يجازى البُعد والغربه)
ربنا يحفظك ويشيل الغربه من قلبك
ويديم عليكي الذكريات الجميله
اشكرك عزيزى الزائر على زيارتك الجميله ودعواتك الكريمه واتمنى ان تسعد دائما
Post a Comment