سلام ع الدنيا من بدرى
وانا باجرى
ورايحالك
ماخدت ف رحلى
غيرفرحى
وأملى
رضاك وسعيالك
ولو آخرمكان فى الكون
ماهاتعبشى
ولو هامشى
على رمشى
هالف الكووووون وجيالك
ماهواش فرض يتقضّى
ده حلم على طبق فضه
وعشت العمراتقضّى
بنوره لحين مايتفسر
ويتقدر
والاقينى على بابك
واتشبث باعتابك
فى حجرك يابراهيم
أسجُد
وتحت العرش
اتهجّد
واملّس ع الحجرلاسعد
وتلمس روحى ترحابك
فأستبشر
وأتهلل
واختم لى ف صلاة الفجر
كام خاتمه
تزيل عتمة ذنوب
وتجود بغفرانك
فى اطهر بقعه طهرنى
بماء زمزم وتغسلنى
تنقى توبى م الادران
ترجعنى
كطفل وليد
وتتعهدنى برعايتك
وسلطانك
ياراجعه والفؤاد مجبور
وهالة النور على جبينك
ياأجمل م الصبايا الحور
رضا وقبول وزاينينك
وحواليكى ملايكه تدور
تبشّرهُم مُحبينك
ينولوا حجك المبرور
يباركوا ذنبك المغفور
يهنوكى بعُمرينك
ويدعولك
تعودى فى الحجيج الجاى
ولا نعلم منين وإزاى
ده ربك كرمه يوم مايريد
تجليت فى عُلاك يارب
سبحانك
4 comments:
ماشاء الله عليك
بجد اسلوبك جميل قوووى
ربنا يناولنا زيارة بيته
اشكرك اختى الكريمه على مرورك واعجابك وان شاء الله ربنا يكتب لك زيارة بيته الحبيب ولاتنسينى من دعائك
Aida, This is really nice. Rabena Ye7'lehalek yarab. Amira
اشكرك اميره على مرورك الجميل البلوج نور
عقبال ما اكتب لك وانتى راجعه م الحجاز
Post a Comment