وكان نفسى بكارت معايده ابعت لك
وأيد الشمع واكتب لك
تلات سلامات
وألعن فيه ليالى الغربه والمسافات
وأقول دايما ف بالى يازيزى لمتنا
وفاكره الحى والشارع
وبيتكوا اللى فى ريح جامع
لا صوته آدان يوتركوا
ولا زحمة صلاة الجمعه على بابكوا
سماحة عمى بيوزع بلح رمضان على الصايمين
وكحك العيد تقابله طنط بالفرحه
سنين طارحه امل وأمان
وفاكره يازيزى تختتنا فى اول صف
ومشوارنا وحكاوينا اللى مابتخلص
كبرنا وفتحت اوراقنا ع الاغصان
وأول حد أسريتله بدقة قلب
ويوم خطوبتنا كنتى انتى الوصيفه بحب
ياعشرة عمرى والصحبه
مافرقناش غير الغربه
ودلوقتى
خسيس كداب
وإيد إرهاب
وبتحاول تهد ف لحظه كل اللى ف سنين بنيناه
جاوبينى
صحيح يقدر؟؟؟
2 comments:
ماشاء الله تبارك الله .. جميل جدا .. تحياتى
الف شكر زائرى العزيز
اسعدتنى زيارتك
تحياتى
Post a Comment