إرهابى......من جباليا
إرهابى....وف إيدى حجاره
وباعافر... ف ضلام الغاره
واصطاد وف- عتمة أحلامى-أمهر قناص

إرهابى ...وف عينى دخان
وف صدرى يفور البركان
ويقيد بلهيبه لو فاضل ف الكون إحساس

أرهابى... ف ودانى سرينة
أسعاف بتدوى
بتلم ف لحمى المتغمس بتراب ورصاص

إرهابى ...وف قلبى النار
وعيالى بتصرخ ....التار
ف رقبتك يابا وسبحانه أمرك بقصاص

إرهابى...ولا غيط ولادار
واللقمه, فرضولها حصار
والجوع مايموّت
ده الميت من يقتل ف القلب حماس